තමන් බලයට පත් වී පළමු දින 100 තුළ ඉටු කරන බවට පොරොන්දු වූ කරුණු වලින් වැඩි ප්රමාණයක් ඉටු කිරීමට ජනාධිපතිවරයාට නොහැකි වී ඇති නමුත් ඇතැම් පොරොන්දු ක්රියාත්මක කිරීමට කටයුතු කරමින් ඇති ආකාරය නිරීක්ෂණයවන බව බීබීසී පුවත් සේවය වාර්තා කොට තිබෙවා.
එමෙන් කිසිසේත් ක්රියාත්මක කිරීමට අපොහොසත් වූ පොරොන්දු ප්රමාණයක් ද ඇති බව බිබීසිය සඳහන් කරනවා.
ජනාධිපති අනුර කුමාර දිසානායක සමග ජනාධිපතිවරණයට පෙර පැවති සම්මුඛ සාකච්ඡාව මුල් කරගෙන බීබීසි ය මෙම කරණු දැක්වීම ඉදිරිපත් කර තිබේ.
ජනාධිපතිවරණයට පෙර බීබීසී සම්මුඛ සාකච්ඡාවේදී ඉදිරිපත් කළ කරුණු අනුව ඉදිරිපත් කළ ප්රධානම වැඩ සැලැස්ම මෙසේය.
- බලය තහවුරු කරගැනීම – ඉටු කර තිබේ
- පාර්ලිමේන්තුව විසුරුවා හැර ජනමතයට ගැලපෙන පාර්ලිමේන්තුවක් පිහිටුවීම – ඉටු කර තිබේ
- නීතිය සහ විධානයේ ආධිපත්ය තහවුරු කිරීම – අධිකරණ පද්ධතියේ වෙනස්කම් සිදු කර තිබේ
- දැනටමත් අධිකරණය විසින් ලබා දෙනු ලැබ ඇති තීන්දු ක්රියාත්මක කිරීම – ඇතැම් තීන්දු ක්රියාත්මක කර තිබේ
- පීඩිත ජනතාවට සහනාධාර වැඩපිළිවෙළක් ක්රියාත්මක කිරීම
– ක්රියාත්මක වෙමින් පවති
කඩිනමින් ඉටු කරන බවට ජනාධිපතිවරණ ප්රතිපත්ති ප්රකාශයේ සඳහන් කර තිබූ කරුණු
- ගුරුවරුන්ගේ සහ විදුහල්පතිවරුන්ගේ වැටුප් විෂමතා කඩිනමින් ඉවත් කිරීම – ඉටු කර නැත
- යෝජිත ශ්රී ලංකා ක්රිකට් ව්යවස්ථාව කඩිනමින් බලාත්මක කිරීම – ඉටු කර නැත
- රැකියා විරහිත උපාධිධාරීන් 35,000කට කඩිනමින් රාජ්ය සේවයේ රැකියා ලබා දීම – ඉටු කර නැත
- හිඟ බදු කඩිනමින් අය කරගැනීම – ක්රියාත්මක වෙමින් පවතියි
- මත්ස්ය නිෂ්පාදන අපනයනයට ඇති බාධා ඉවත් කිරීම සඳහා කාර්යක්ෂම හා කඩිනම් ක්රමවේදයක් – ඉටු කර නැත
- පාස්කු ප්රහාරය සම්බන්ධ ජනාධිපති කොමිෂන් සභාවල නිර්දේශ අනුව අදාළ දේශපාලනඥයන් සහ නිලධාරීන්ට එරෙහිව කඩිනමින් ක්රියාමාර්ග ගැනීම – ක්රියාත්මක වෙමින් පවතියි
- කලක් තිස්සේ නොවිසඳුණු මාධ්යවේදීන්ගේ, ක්රීඩකයන්ගේ දේශපාලන ඝාතන සහ පැහැරගැනීම් පිළිබඳ විමර්ශන කඩිනමින් අවසන් කර අපරාධකරුවන්ට එරෙහිව නිතිය ක්රියාත්මක කිරීම – ක්රියාත්මක වෙමින් පවතී
ජනාධිපතිවරයා බලයට පත් වීමෙන් පසු නොවැම්බර් 14 වන දා මහමැතිවරණය පවත්වා තුනෙන් දෙකක පාර්ලිමේන්තු බලයක් හිමි කර ගැනීමට ජාතික ජනබලවේගය සමත් විය.
නව අගවිනිසුරු ලෙස ශ්රේෂ්ඨාධිකරණ විනිසුරු මුර්දු නිරූපා බිඳුෂිණි ප්රනාන්දු දිවුරුම් දීම අධිකරණ පද්ධතියේ මෙතෙක් සිදු වූ වෙනස්කමකි.
ශ්රී ලංකාවේ දෙවන අගවිනිසුරුවරිය ලෙස මුර්දු ප්රනාන්දු දිරුවුම් දෙයි
එමෙන් ම බදු වංචාවක් සම්බන්ධයෙන් මේ වන විට අධිකරණයේ විභාගවන නඩුවකට අදාළව මෙන්ඩිස් සමාගම මෙතෙක් හිඟ බදු නොගෙවා ඇති බැවින් එහි බලපත්රය අත්හිටුවීම ද සිදු විය.
තව ද අඩු අදායම්ලාභී ජනතාව වෙනුවෙන් අස්වැසුම සහනාධාරය ලබා දීම අඛණ්ඩව සිදු කෙරෙන අතර, අස්වැසුම හිමි පවුල්වල පාසල් යන දරුවන්ට පාසල් උපකරණ මිලට ගැනීමට රු. 6000ක දීමනාවක් ලබා දීමට ද කැබිනට් අනුමැතිය හිමි විය.
ජනාධිපතිවරණයට ඉදිරිපත් වූ අපේක්ෂකයින් අතුරින් දීර්ඝතම ප්රතිපත්ති ප්රකාශය ඉදිරිපත් කළේ වත්මන් ජනාධිපති අනුර කුමාර දිසානායක ය.ඔහුගේ එම ප්රතිපත්ති ප්රකාශය නම් කර තිබුණේ “පොහොසත් රටක්, ලස්සන ජීවිතයක්” ලෙසයි.එහි අංශ කිහිපයක් යටතේ එක් එක් අංශයේ සිදු කිරීමට බලාපොරොත්තුවන වෙනස්කම් සඳහන් කර තිබිණි.
ඒ අතර කඩිනමින් ඉටු කරණ බවට වූ පොරොන්දු කිහිපයක් සඳහන් විය.හිඟ බදු අය කරගැනීම පිළිබඳව මේ වන විට ආණ්ඩුවේ අවධානය යොමුව ඇති අතර, මෙන්ඩිස් සමාගමේ බලපත්රය අත්හිටවූයේ ද එහි දිගුවක් ලෙසයි.තවද පාස්කු ප්රහාරය සම්බන්ධ පරීක්ෂණ සහ කලක් තිස්සේ නොවිසඳුණු මාධ්යවේදීන්ගේ, ක්රීඩකයන්ගේ දේශපාලන ඝාතන සහ පැහැරගැනීම් පිළිබඳ විමර්ශන කඩිනමින් පවත්වන ලෙස නැවත සේවයේ පිහිට වූ ජ්යෙෂ්ඨ පොලිස් අධිකාරී ශානි අබේසේකර වෙත පවරා තිබේ.
ඒ අනුව, චැනල් 4 නාලිකාව විකාශය කළ වීඩියෝව සම්බන්ධ විමර්ශනයකට අදාළව සාක්ෂි විමසීම සඳහා හිටපු පාර්ලිමේන්තු මන්ත්රී සිවනේසතුරෙයි චන්ද්රකාන්තන්ව අපරාධ පරීක්ෂණ දෙපාර්තමේන්තුව වෙත කැඳවීම ද සිදු විය.
