නව අධ්යාපන ප්රතිසංස්කරණ යටතේ පළමු හා හය ශ්රේණිවල විෂය නිර්දේශ පමණක් පූර්ණ වෙනසකට ලක්කරන බව ජාතික අධ්යාපන ආයතනයේ අධ්යක්ෂ ජනරාල් මහාචාර්ය මංජුලා විතානපතිරණ පවසයි.
එමෙන්ම 10 වන ශ්රේණියේ විෂය පද්ධතිය අර්ධ වශයෙන් වෙනස් වන බවයි ඇය පවසන්නේ.
නව ප්රතිසංස්කරණ යටතේ අනෙකුත් ශ්රේණිවල සැලකිය යුතු වෙනස්කම් සිදු නොවන බවත්, මෙම ශ්රේණි තුනෙහි නව ඉගෙනුම් ඉගැන්වීම් ක්රියාවලිය 2026 මුල සිට පන්ති කාමරවල ක්රියාත්මක කරන බවත් විතානපතිරණ තවදුරටත් පවසා ඇත.
ඒ වෙනුවෙන් කැබිනට් පත්රිකාවලට අවශ්ය තොරතුරු ලබා දීම, ගුරු පුහුණු වැඩසටහන් සංවිධානය කිරීම, මොඩියුල සකස් කිරීම, පොත්පත් සකස් කිරීම ආදී වශයෙන් ප්රතිසංස්කරණ ක්රියාවලිය යුහුසුලුව සිදුවෙමින් ඇතැයි ද ඇය පවසන අතර ජාතික අධ්යාපන ආයතනයේ නිලධාරීන් මෙම වැඩපිළිවෙල සාර්ථක කර ගැනීමට උපරිම කැපවීම ලබා දී තිබෙන බවද කීවාය.
