කෑගල්ල බන්ධනාගාරය තුළට හෙරොයින් රැගෙන යෑමට ඉතා සූක්ෂම ලෙස සකසා තිබූ සොයා මීට් ව්යංජනයක් හා මත්කුඩු සමග කාන්තාවක් ඇතුළු පුද්ගලයන් දෙදෙනෙකු පසුගියදා පොල්ගහවෙල පොලිසිය විසින් අත්අඩංගුවට ගෙන තිබේ.
පොල්ගහවෙල කුලීපිටිය ප්රදේශයේ සැක කටයුතු කාන්තාවක් සිටින බවට පොල්ගහවෙල පොලිසියේ විශේෂ කාර්යාංශයේ නිලධාරීන්ට ලැබුණ තොරතුරකට අනුව මෙම කාන්තාව අත්අඩංගුවට ගෙන ඇත.
රඹුක්කන වහෝ ප්රදේශයේ පදිංචි 45 හැවිරිදි කාන්තාවක් හා පොල්ගහවෙල නව කොළඹ පාරේ පදිංචි 50 හා 40 හැවිරිදි වයස්වල පසුවන පුද්ගලයන් දෙදෙනෙක් මෙලෙස අත්අඩංගුවට ගෙන ඇති බව වාර්තා වේ.
සැකකාර කාන්තාව කෑගල්ල බන්ධනාගාරය තුළ සිටින රැඳවියන්ට මත්කුඩු රැගෙන යෑමට සඳහා උපක්රමයක් ලෙස පිසින ලද සෝයා මීට් ව්යංජනයක එක් එක් සෝයා මීට් තුළ සූක්ෂමව හෙරොයින් කුඩා පැකට් සඟවා එම ව්යංජනය පොලිතීන් උරයක බහා තිබියදී හෙරොයින් ග්රෑම් 02 මිලිග්රෑම් 370ක් සමඟ අත්අඩංගුවට ගත් බව පොලිසිය පවසා ඇත.
බන්ධනාගාරය තුළින්ම මත්කුඩු ලබා ගැනීමට එම කාන්තාවගේ ජංගම දුරකථනයට ඇමතුම් එන බවටද පොලිසිය තොරතුරු අනාවරණය කරගෙන ඇති අතර අදාළ සැකකාර කාන්තාවගේ සැමියාද හෙරොයින් මත්ද්රව්ය සම්බන්ධයෙන් චෝදනා ලබා බන්ධනාගාර ගතව සිටින බවද පොලිසිය පවසයි.
