දූෂණ චෝදනාවක් සම්බන්ධයෙන් හිටපු ජනමාධ්ය අමාත්ය කෙහෙළිය රඹුක්වැල්ල ඇතුළු විත්තිකරුවන් දෙදෙනෙකුට එරෙහිව අල්ලස් කොමිසම විසින් ගොනු කර තිබෙන නඩුවක වැඩිදුර විභාගය දෙසැම්බර් මස 09 වනදා කැඳවන ලෙස කොළඹ මහාධිකරණය අද (11) නියම කර තිබේ.
මෙම නඩුව අද කොළඹ මහාධිකරණ විනිසුරු මොහොමඞ් මිහාල් ඉදිරියේ කැඳවනු ලැබූ අතර පැමිණිල්ලේ සාක්ෂිකරුවකු වශයෙන් නම්කර සිටින රාජ්ය මුද්රණ නීතිගත සංස්ථාවේ හිටපු නියෝජ්ය මුදල් කළමනාකරුවකුගෙන් සාක්ෂි සටහන් කර ගෙන ඇත.
ඉන් අනතුරුව වැඩිදුර සාක්ෂි විභාගය දෙසැම්බර් මස 09 වනදා දක්වා කල් තබා ඇත.
කෙහෙළිය රඹුක්වැල්ල ජනමාධ්ය අමාත්යවරයා වශයෙන් කටයුතු කරමින් සිටි සමයේ ඔහුගේ පෞද්ගලික ජංගම දුරකථනයේ බිල වන රුපියල් 240,000ක මුදලක් රාජ්ය මුද්රණ නීතිගත සංස්ථාවේ අරමුදල්වලින් ගෙවීම තුළින් රජයට පාඩුවක් සිදු කළ බවට චෝදනා කරමින් අල්ලස් කොමිසම විසින් නිකුත් රජය සමයේ හිටපු අමාත්ය කෙහෙළිය රඹුක්වැල්ල සහ මෙම සංස්ථාවේ හිටපු සභාපති ජයම්පති බණ්ඩාර හීන්කෙන්ද යන අයට එරෙහිව මෙම නඩුව ගොනුකර ඇත..
