ඊයේ(01) ග්රෙගරි වැවේ පාවෙමින් තිබූ අලුත උපන් බිළිඳකුගේ මළසිරුරක් සොයාගත් බව නුවරඑළිය පොලිසිය පවසයි.
බෝට්ටු ක්රියාකරුවන් සහ ජීවිතාරක්ෂක නිලධාරීන් පොලිසියට දැනුම්දීමෙන් පසුව මෙම සොයා ගැනීම සිදුකර තිබේ.
නුවරඑළිය දිස්ත්රික් මහ රෝහලේ අධිකරණ වෛද්ය නිලධාරියා සමඟ පොලිසිය මළසිරුර සොයාගෙන ඇති අතර, මළසිරුරේ පෙකණි වැලේ කොටසක් ඒ වන විටත් තිබී ඇත.
අලුත උපන් බිළිඳාගේ සිරුර පශ්චාත් මරණ පරීක්ෂණය සඳහා යවා ඇත.
කෙසේ නමුත් මේ සම්බන්ධයෙන් කිසිවෙකු අත්අඩංගුවට ගෙන නොමැති අතර, පරීක්ෂණ දිගටම සිදුකෙරෙන බව වාර්තා වේ.
