මාර්ග සංවර්ධන අධිකාරියේ (RDA) ප්රධාන ගිණුමෙන් කොන්ත්රාත්කරුවන්ට රුපියල් මිලියන 380ක මුදලක් වැරදීමකින් යළි ගෙවා ඇති බවට සමගි ජන බලවේගයේ පාර්ලිමේන්තු මන්ත්රී නලින් බණ්ඩාර මහතා සිදුකළ ප්රකාශය සම්පූර්ණයෙන්ම පදනම් විරහිත බව එම අධිකාරිය පවසයි.
සමාජ මාධ්ය ඔස්සේ මන්ත්රීවරයා සිදුකළ මෙම ප්රකාශය සම්බන්ධයෙන් විශේෂ නිවේදනයක් නිකුත් කරමින් මාර්ග සංවර්ධන අධිකාරිය අවධාරණය කර සිටින්නේ, එම චෝදනාවේ කිසිදු සත්යතාවක් නොමැති බවයි.
මන්ත්රීවරයා විසින් පවසා තිබුණේ 2023 වසරේදී කොන්ත්රාත්කරුවන්ට සිදුකළ ගෙවීම් සම්බන්ධයෙන් මෙවැනි වැරදීමක් සිදුව ඇති බවය. කෙසේ වෙතත්, එම චෝදනා තරයේ ප්රතික්ෂේප කරන බව පවසන මාර්ග සංවර්ධන අධිකාරිය, සත්ය කරුණු වසන් කරමින් ජනතාව නොමඟ යවන අයුරින් මෙම අසත්ය ප්රකාශ සිදුකර ඇති බව වැඩිදුරටත් පෙන්වා දෙයි.
