මුදල් අමාත්යාංශයට අයත් අමෙරිකානු ඩොලර් මිලියන 2.5ක මුදලක් අස්ථානගතවීමේ සිද්ධියක් සම්බන්ධයෙන් වැඩ තහනමට ලක්ව සිටි විදේශ සම්පත් දෙපාර්තමේන්තුවේ සහකාර අධ්යක්ෂවරයෙකු වන රංග නිශාන්ත සියදිවි හානි කරගෙන තිබේ.
මුදල් අමාත්යාංශයට අයත් ඩොලර් මිලියන 2.5ක මුදලක් හැකර්වරුන් පිරිසක් අතට පත්වීමේ සිදුවීමකට අදාළව මොහු ඇතුළු නිලධාරීන් සිව් දෙනෙකුගේ වැඩ තහනම් කිරීමට මීට පෙර පියවර ගෙන තිබුණි.
පොලිසිය සඳහන් කළේ, මොහු සිය නිවස පිහිටි කුලියාපිටිය ප්රදේශයේ ඉඩමක පහළ කොටසේදී තියුණු ආයුධයකින් ගෙල කපාගෙන මෙලෙස දිවි නසාගෙන ඇති බවයි.
ඔහුගේ සිරුරේ තියුණු ආයුධයකින් කැපුණු සලකුණු දක්නට ලැබුණු බවත්, පශ්චාත් මරණ පරීක්ෂණ කටයුතු සඳහා සිරුර මේ වන විට රෝහල වෙත යොමු කර ඇති බවත් පොලිසිය වැඩිදුරටත් පවසයි.
මිය යන විට රංග නිශාන්තගේ වයස අවුරුදු 50කි.
