රජය විසින් ජූලි 1වනදා සිට ශ්රී ලංකාව තුළ ක්රියාත්මක කිරීමට නියමිත එකතු කළ අගය මත (වැට්) බදු සංශෝධනය සම්බන්ධයෙන් විපක්ෂ නායකවරයා සිය x ගිණුමෙහි සටහනක් තබා තිබේ. මේ හරහා බදු අනුපාත ඉහළ නැංවීම සහ බදු බලාත්මක කිරීම දැඩි කිරීම යන සියල්ල එකවර සිදු කරන බැවින් එය කුඩා හා මධ්ය පරිමාණ ව්යාපාර සඳහා සෘජුව බලපානු ඇති බවද එහි සඳහන්.
එමෙන්ම එහිදී ඔහු වැඩිදුරටත් සඳහන් කර සිටින්නේ මෙය ප්රතිසංස්කරණයක් නොව සූරාකෑමක් වන බවය. ආර්ථිකයකට බදු ගැසීමෙන් පමණක් වර්ධනයක් ඇති කළ නොහැකි බවත් ව්යාපාර වලට හුස්ම ගැනීමට නොහැකි නම්, ඒවාට නොනැසී පැවතීමට හෝ දියුණු වීමට නොහැකි වනු ඇති බවත් විපක්ෂ නායකවරයාගේ සටහනෙහි සඳහන්.
