ජාතික ඩෙංගු මර්දන ඒකකය පවසන්නේ වසරේ මේ දක්වා වාර්තා වී ඇති සමස්ත ඩෙංගු ආසාදිතයින්ගේ සංඛ්යාව 82,011 දක්වා ඉහළ ගොස් ඇති බවයි.
එම ඒකකයට අනුව, ඩෙංගු රෝගය හේතුවෙන් මේ වන විට පුද්ගලයින් 61 දෙනෙකු මියගොස් තිබේ.
දිස්ත්රික් මට්ටමින් වැඩිම ඩෙංගු රෝගීන් සංඛ්යාව ගම්පහ දිස්ත්රික්කයෙන් වාර්තා වී ඇති අතර එය 17,395ක් ලෙස දැක්වේ. අනතුරුව කොළඹ දිස්ත්රික්කයෙන් රෝගීන් 16,294ක් වාර්තා වී තිබේ.
පළාත් අනුව සලකා බැලීමේදී, වැඩිම ආසාදිතයින් සංඛ්යාව තවදුරටත් බස්නාහිර පළාතෙන් වාර්තා වන අතර, එහි රෝගීන් සංඛ්යාව 43,388කි. දෙවැනි ස්ථානයේ පසුවන්නේ දකුණු පළාත වන අතර එහි ඩෙංගු ආසාදිතයින් 12,419ක් වාර්තා වී ඇත.
මේ අතර, දිවයින පුරා ඩෙංගු ව්යාප්තිය සම්බන්ධයෙන් තවදුරටත් අවදානම් තත්ත්වයක් පවතින බව සඳහන් කරන ජාතික ඩෙංගු මර්දන ඒකකය, අධි අවදානම් කලාප 175ක් මේ වන විට හඳුනාගෙන ඇති බවද ප්රකාශ කරයි.
