පාස්කු ඉරුදින ත්රස්ත ප්රහාර සිද්ධියට අදාළ විමර්ශනවලදී තමන් ත්රස්තවාදය වැළැක්වීමේ පනත යටතේ අත්අඩංගුවට ගෙන රඳවා තැබීම අභියෝගයට ලක් කරමින් රාජ්ය බුද්ධි සේවයේ හිටපු ප්රධානී සුරේෂ් සලේ මහතා විසින් ගොනු කළ රිට් පෙත්සම වැඩිදුර සලකා බැලීම සඳහා අගෝස්තු 25 වැනිදා කැඳවීමට අභියාචනාධිකරණය නියෝග කර තිබේ.
අදාළ පෙත්සම අද (28) අභියාචනාධිකරණ සභාපති විනිසුරු රොහාන්ත අබේසූරිය මහතා සහ විනිසුරු ප්රියන්ත ප්රනාන්දු මහතාගෙන් සමන්විත විනිසුරු මඩුල්ල හමුවේ කැඳවනු ලැබීය.
එහිදී විනිසුරු මඩුල්ල නියම කළේ, පෙත්සම සම්බන්ධයෙන් ඉදිරිපත් කිරීමට නියමිත, වැඩිදුර කරුණු සලකා බැලීම සඳහා එය අගෝස්තු 25 වැනිදා යළි කැඳවන ලෙසයි.
ඒ අනුව, එදින පෙත්සම සම්බන්ධයෙන් වැඩිදුර කරුණු ඉදිරිපත් කිරීමට නියමිතව ඇත.
