ශ්රී ලංකාව සහ වියට්නාමය අතර ඍජු ගුවන් ගමන් නිල වශයෙන් ආරම්භ කරමින් වියට්නාම් එයාර් ලයින්ස් සමාගමට අයත් පළමු මංගල ගුවන් යානය කටුනායක බණ්ඩාරනායක ජාත්යන්තර ගුවන් තොටුපොළ වෙත ඊයේ (16) පැමිණ තිබේ.
වියට්නාමයේ හෝ චි මින් නුවර සිට පැමිණි වී.එන්.-671 දරන එයාර්බස් ඒ-320 වර්ගයේ ගුවන් යානය රාත්රී 11.02ට කටුනායක ගුවන් තොටුපොළට ළඟා වූ අතර, එය සාම්ප්රදායික ජල ආචාරයක් පවත්වමින් උණුසුම් ලෙස පිළිගනු ලැබීය.
මෙම මංගල ගුවන් ගමන සඳහා මගීන් 164 දෙනෙකු ශ්රී ලංකාවට පැමිණ ඇති අතර, අනතුරුව එම ගුවන් යානයෙන්ම මගීන් 172 දෙනෙකු වියට්නාමය බලා පිටත්ව ගොස් තිබේ.
නව ඍජු ගුවන් සේවාව යටතේ සෑම සතියකම ඉරිදා, බදාදා සහ සිකුරාදා යන දින තුනේදී කටුනායක සහ වියට්නාමය අතර ගුවන් ගමන් ක්රියාත්මක කිරීමට නියමිතය. එක් ගුවන් ගමනක් සඳහා පැය 4යි විනාඩි 30ක පමණ කාලයක් ගතවන බව සඳහන් වේ.
නව ගුවන් සේවාව ආරම්භ කිරීම සනිටුහන් කරමින් කටුනායක ගුවන් තොටුපොළ පරිශ්රයේදී විශේෂ උත්සවයක්ද සංවිධානය කර තිබූ අතර, ශ්රී ලංකාවේ වියට්නාම තානාපති ත්රින් ති ටාම් මහත්මිය එහි ප්රධාන ආරාධිත අමුත්තා ලෙස සහභාගී වූවාය.
