අද (18) දිනයට නියමිත පාර්ලිමේන්තු සභාවාරයේ කටයුතු මේ වනවිට ආරම්භ වී තිබේ.
කථානායක වෛද්ය ජගත් වික්රමරත්න මහතාගේ ප්රධානත්වයෙන් සභාවේ කටයුතු පැවැත්වෙයි.
මේ අතර, ආණ්ඩුක්රම ව්යවස්ථාව සංශෝධනය කිරීමට අදාළ 22 වන ආණ්ඩුක්රම ව්යවස්ථා සංශෝධන පනත් කෙටුම්පත සහ අධිකරණ සංවිධාන සංශෝධන පනත් කෙටුම්පත අද පාර්ලිමේන්තුවට ඉදිරිපත් කිරීමට නියමිතය.
අධිකරණ හා ජාතික ඒකාබද්ධතා අමාත්ය හර්ෂණ නානායක්කාර මහතා විසින් පාර්ලිමේන්තුවේ ප්රධාන කටයුතු ආරම්භ කිරීමෙන් අනතුරුව අදාළ පනත් කෙටුම්පත් ඉදිරිපත් කිරීමට නියමිත බව සඳහන් වේ.
22 වන ආණ්ඩුක්රම ව්යවස්ථා සංශෝධන පනත් කෙටුම්පත සම්මත වුවහොත් ශ්රේෂ්ඨාධිකරණ විනිසුරුවරුන්ගේ විශ්රාම යන වයස් සීමාව අවුරුදු 65 සිට 67 දක්වා ඉහළ නැංවෙනු ඇත. අභියාචනාධිකරණ විනිසුරුවරුන්ගේ විශ්රාම වයසද අවුරුදු 63 සිට 65 දක්වා වැඩි කිරීමට යෝජනා කර තිබේ.
එමෙන්ම අධිකරණ සංවිධාන සංශෝධන පනත් කෙටුම්පත සම්මත වීමත් සමඟ මහාධිකරණ, දිසා අධිකරණ සහ මහෙස්ත්රාත් අධිකරණ විනිසුරුවරුන්ගේ විශ්රාම වයස අවුරුදු 62 දක්වා ඉහළ නැංවීමට නියමිතය.
