පාස්කු ඉරුදින බෝම්බ ප්රහාර එල්ල කිරීම සම්බන්ධයෙන් කොළඹ විශේෂ ත්රිපුද්ගල මහාධිකරණ විනිසුරු මඩුල්ල විසින් වරදකරුවන් කෙරුණු 15 දෙනාට වසර 200කට අධික බරපතළ වැඩසහිත සිරදඬුවම් නියම කර තිබේ.
එමෙන්ම එම වරදකරුවන් සතු සියලු නිශ්චල, චංචල දේපොළ රාජසන්තක කිරීමට ද විනිසුරු මඩුල්ල නියම කළේය.
වැරදිකරුවන් වූ විත්තිකරුවන් 5 දෙනෙකුට වසර 200 බැගින්ද, තවත් විත්තිකරුවන් 5 දෙනෙකුට වසර 220 බැගින්ද, විත්තිකරුවන් 4 දෙනෙකුට වසර 240 බැගින් සහ තවත් එක් විත්තිකරුවෙකුට වසර 260ක බරපතළ සිරදඬුවම් නියම කර තිබේ.
2019 පාස්කු ඉරුදින ත්රස්ත ප්රහාර සිද්ධියට අදාළව කුමන්ත්රණය කිරීම සහ ඊට ආධාර අනුබල දීම ඇතුළු චෝදනා 23,270කට අධික සංඛ්යාවක් යටතේ විත්තිකරුවන් 24 දෙනෙකුට එරෙහිව නඩු පවරා තිබුණි.
අදාළ නඩුකරය ඒ. නවරත්න මාරසිංහ, රාමනාදන් කන්නන් සහ සුජීව නිශ්ශංක යන ත්රිපුද්ගල මහාධිකරණ විනිසුරු මඩුල්ල විසින් විභාගයට ගැනුණි.
ඒ අනුව, ඒ ඒ වරදකරුවන්ට නියම කෙරුණු සිර දඬුවම් මෙසේ ය.
- වසර 260 සිර දඬුවම
අබ්දුල් මනාෆ් මොහොමඩ් පිරිදවුස්
- වසර 240 සිර දඬුවම
මොහොම්මදු සරිබූ ආදම් ලෙබ්බේ (අබූ හදීක්)
හයාතු මොහොමදු මිල්හාන් (අබු සිලා)
මොහොමදු ඊබ්රහිම් සාදික් අබ්දුල්ලා (අබු උමර්)
මොහොමද් ඊබ්රහිම් අබ්දුල් හක් (අබූ ෆලා)
- වසර 220 සිර දඬුවම
මොහොමදු ඊබ්රහිම් මොහොමදු නව්ෆර් හෙවත් නවුෆර් මවුලවි
මොහොමඩ් රමිෂ් මොහොමඩ් සාරික්
අබ්දුල් ලතීෆ් මොහොමඩ් සාෆි (සාෆි මවුලවි/අබූ ෆුර්කාන්)
මොහොමඩ් මුස්තාපා මොහොමඩ් හාරිස් (අබු නන්ජියාර්)
රසික් රාසා හුසේන්
- වසර 200 සිර දඬුවම
මොහොමඩ් අන්වර් මොහොමඩ් රිස්කාන් (අබු තාරික්)
මොහොමඩ් මන්සූර් මොහොමඩ් සනස්දීන් (අබු මිසාන්)
හුසේනූල් රිස්වි කාලිද් සමීර්
මොහොමදු හනීෆා සෙයිනූල් ආබ්දීන් (අබු හිනා)
කච්චි මොහොමඩ් ජෙස්මින්
- නිදොස් කොට නිදහස් කළ විත්තිකරුවන්
මොහොමඩ් සවාහීර් මොහොමඩ් හසන් (අබු දාවුද්)
මොහොමඩ් ඉෆ්තිකාර් මොහොමඩ් ඉන්සාෆ් (අබු මොහොමඩ්)
රෂීඩ් මොහොමඩ් ඉබ්රහිම්
සෙයිනූල් ආබ්දීන් මොහොමඩ් ජසීන්
මොහොමඩ් මුස්තාපා මොහොමඩ් රිස්වාන්
මීරා සහීඩ් මොහමඩ් නෆ්ලි (අබු සනා)
මොහොමඩ් අමීන් අයන්තුල්ලා
මොහොමඩ් අන්සාර් දීන් හිල්මි
මොහොමඩ් අක්රම් අහක්කම්
- මියගිය විත්තිකරු
යාසින් බාවා අබ්දුල් රාවුෆ්
