ආසියානු ක්රීඩා උළෙල ඉතිහාසයේ විසිකිරීම් තරග අංශයෙන් ශ්රී ලංකාවට පළමු රන් පදක්කම දිනාදුන් රුමේෂ් තරංග වෙත ජපානයේ ශ්රී ලංකා වාහන අපනයනකරුවන්ගේ සංගමය විසින් හොන්ඩා වෙසල් වර්ගයේ අලුත්ම රථයක් ත්යාගයක් ලෙසින් පිරිනමන ලදි.
ශ්රී ලාංකිකයන්ගෙන් සැදුම්ලත් එම සංගමය, ආසියානු ක්රීඩා උළෙලට සහභාගී වීම සඳහා පැමිණ සිටින ශ්රී ලංකා ක්රීඩකයන්, පුහුණුකරුවන් සහ නිලධාරීන් ඇතුළු පිරිස වෙනුවෙන් 29 වැනිදා රාත්රියේ නගෝයා හී හෝටලයක විශේෂ රාත්රී භෝජන සංග්රහයක් පිරිනැමූ අතර ජපානයේ ශ්රී ලංකා තානාපති ජනක් කුමාරසිංහ සහ ශ්රී ලංකා ඔලිම්පික් කමිටු ප්රධානීන් ආදිය හමුවේ මෙම රථයේ යතුර සංඛේතාත්මකව රුමේෂ් වෙත පිරිනමන ලදි.
ඉකුත් 28 වැනිදා රාත්රියේ රුමේෂ් විසින් ලබාගත් එම ඓතිහාසික ජයග්රහණය සඳහා වූ රන් පදක්කම පිරිනැමීම, ඊයේ (29වැනිදා) ජපාන වේලාවෙන් පස්වරු 6.30ට යෙදී තිබූ අතර එය අවසන් වූ සැනින් අදාළ රන් පදක්කම රැගත් රුමේෂ්, ජපානයේ ශ්රී ලංකා වාහන අපනයනකරුවන්ගේ මෙම ඇගයීම පිළිගැනීමට පැමිණියේය.
මෙහිදී රුමේෂ් වෙත තෑගි ලැබුණු එම රථය ජපානයේ සිට හම්බන්තොට වරායට පැමිණෙනතුරු අදාළ සියළු අනුග්රහාකත්වයන් එම සංගමය විසින් දරනු ඇත.
