නව අධ්‍යාපන ප්‍රතිසංස්කරණ ක්‍රියාත්මක කිරීමේදී 1 සහ 6 ශ්‍රේණි විෂය මාලාවන් ප්‍රතිසංස්කරණයට උපදෙස් සංග්‍රහයක් අධ්‍යාපන අමාත්‍යාංශය විසින් නිකුත් කර තිබේ.
නව අධ්‍යාපන ප්‍රතිසංස්කරණ යටතේ ප්‍රාථමික අධ්‍යාපනය අවධි තුනක් යටතේ ක්‍රියාත්මක කිරීමට නියමිත අතර 1 හා 2 ශ්‍රේණි පළමු ප්‍රධාන අවධිය ලෙසත් 3 හා 4 ශ්‍රේණි දෙවන ප්‍රධාන අවධිය ලෙසත්, 5 වැනි ශ්‍රේණිය තෙවන ප්‍රධාන අවධිය ලෙසත් වෙන් කර තිබේ.
ප්‍රාථමික අංශයේ පළමු වන සහ දෙවන ප්‍රධාන අවධීන් හි පාසල් පවත්වන කාලයේ කිසිදු වෙනසක් සිදු නොවන අතර, තෙවන ප්‍රධාන අවධිය වන 5 ශ්‍රේණිය පෙරවරු 7.30 සිට පස්වරු 2.00 දක්වා පාසල් පැවැත්වීමට නියමිත වන අතර කනිෂ්ඨ ද්විතීයික අංශයේ පාසල් පැවැත්වෙන කාලය පෙරවරු 7.30 සිට පස්වරු 2.00 දක්වා වන අතර, මිනිත්තු 50 බැගින් කාල පරිච්ඡේද 7 ක් පැවැත් වෙයි.
