මෙම මාසය තුළ ලිට්රෝ ගෑස් මිලෙහි සංශෝධනයක් සිදුනොවන බව වාර්තා වේ.
ලෝක වෙළෙඳපොළේ පවතින තත්ත්වය අනුව ගෑස් මිලෙහි වැඩිවීමක් අවශ්ය වුවද රට තුළ පවතින තත්ත්වයන් සැලකිල්ලට ගනිමින් මෙම අවස්ථාවේ මිල සංශෝධනයක් සිදුනොකරන බව එම සමාගම පවසයි.
ලිට්රෝ කිලෝග්රෑම් 12.5ක ගෘහස්ථ ගෑස් සිලින්ඩරයක මිල රු. 3,690ක් වන අතර කිලෝග්රෑම් 5 ගෑස් සිලින්ඩරයක මිල රු. 1,482කි. එමෙන්ම කිලෝග්රෑම් 2.3ක ගෑස් සිලින්ඩරයක මිල රු. 694ක් වේ.
නමුත් ඊයේ (01) සිට ක්රියාත්මක වන පරිදි ලාෆ්ස් ගෑස් මිල ගණන් සංශෝධනය කර තිබුණි.
ඒ අනුව කිලෝග්රෑම් 12.5 ලාෆ්ස් ගෘහස්ථ ගෑස් සිලින්ඩරයක මිල රුපියල් 150කින් ඉහළ දමා ඇති අතර, එහි නව මිල රුපියල් 4,250කි.
එමෙන්ම කිලෝග්රෑම් 5 ගෑස් සිලින්ඩරයක මිල රුපියල් 65කින් ඉහළ දමා ඇති අතර, එහි නව මිල රුපියල් 1,710ක් වී ඇත.
මේ අතර මාසික ඉන්ධන මිල සංශෝධනය මෙම සතිය තුළ සිදුවනු ඇති බව සඳහන් වේ.
