කොළඹ මහ නගර සභා බලප්රදේශය තුළ වාහන නැවැත්වීමේ ගාස්තු ලබාගැනීම නැවත දැනුම්දෙනතුරු අත්හිටුවීමට එම නගර සභාව තීරණය කර තිබේ. මෙම තීරණය අද (18) පැවති විශේෂ සාකච්ඡාවකදී ගනු ලැබූ බව නියෝජ්ය නගරාධිපති හේමන්ත වීරකෝන් මහතා සඳහන් කළේය.
ඔහු වැඩිදුරටත් පැවසුවේ, වත්මන් ලෝකයේ පවතින යුදමය හා ආර්ථික අර්බුදකාරී තත්ත්වය හේතුවෙන් ජනතාව විශාල පීඩාවකට පත්ව සිටින බැවින්, එම පීඩාව අවම කිරීමේ අරමුණින් මෙම තීරණය ගත් බවය.
පසුගිය කාලයේ උදෑසන 6 සිට රාත්රී 12 දක්වා වාහන නැවැත්වීම සඳහා ගාස්තු අය කළද, නැවත දැනුම් දෙන තුරු එම ගාස්තු අයකිරීම් සියල්ල ඉවත් කර ඇති බවද නියෝජ්ය නගරාධිපතිවරයා වැඩිදුරටත් පැවසීය.
