මහා භාණ්ඩාගාරයේ ඩොලර් මිලියන 2.5ක මුදලක් වෙනත් ගිණුමට බැර කිරීමේ සිද්ධිය සම්බන්ධයෙන් විපක්ෂය ඉල්ලා සිටි විවාදය ලබාදීමට සභානායකවරයා එකඟත්වය පළ කර තිබේ. පාර්ලිමේන්තුව ශ්රී ජයවර්ධනපුර කෝට්ටේ ස්ථාපිත කර වසර 44ක් සපිරීම නිමිත්තෙන් අද (30) මහනුවර ශ්රී දළදා මාලිගාවේදී පැවැති ආගමික වැඩසටහනකට සහභාගගීවීමෙන් අනතුරුව මාධ්ය හමුවේ අදහස් දක්වමින් කථානායක වෛද්ය ජගත් වික්රමරත්න මහතා මේ බව ප්රකාශ කළේය.
ඒ අනුව අදාළ විවාදය මීළඟ පාර්ලිමේන්තු සතියේදී පැවැත්වෙනු ඇති බව ඔහු කීය. ලබන 05 වෙනිදායින් ආරම්භ වන පාර්ලිමේන්තු සතිය ඉතා කාර්යබහුල සතියක් බවත් අණපනත් ගණනාවක් සම්මත කර ගැනීමට නියමිත බවත් කථානායකවරයා පැවසීය.
එමෙන්ම ලබන අටවෙනිදා වියට්නාමයේ ජනපතිවරයා පාර්ලිමේන්තුව ඇමතීමට නියමිත බව ද ජගත් වික්රමරත්න මහතා අවධාරණය කළේය. ඒ අනුව ඩොලර් මිලියන 2.5ක මුදලක් අස්ථානගතවීම සම්බන්ධයෙන් වන විවාදය ලබන 19 වෙනිදායින් ආරම්භ වන පාර්ලිමේන්තු සතියේදී පැවත්විය හැකි බව ද ඔහු පෙන්වා දෙයි.
එම පිළිබඳ තීරණය පාර්ලිමේන්තු කටයුතු පිළිබඳ කාරක සභාවේදී ගත යුතු බව කථානායක වෛද්ය ජගත් වික්රමරත්න මහතා වැඩිදුරටත් පැවසුවේය.
