මැලේසියාවේදී අත්අඩංගුවට ගනු ලැබූ ප්රබල සංවිධානාත්මක අපරාධකරුවෙකු ලෙස සැලකෙන ධනුෂ්ක කෞෂල්ය හෙවත් “රත්මලානේ සයිමා” ඇතුළු සැකකරුවන් තිදෙනෙකු අද (10) පස්වරුවේ ශ්රී ලංකාවට රැගෙනවිත් තිබේ.
ඔවුන් ශ්රීලන්කන් ගුවන් සේවයට අයත් UL215 දරන ගුවන් යානයෙන් පස්වරු 4.28ට පමණ කටුනායක ගුවන්තොටුපොළ වෙත පැමිණ ඇති බව වාර්තා වේ.
මැලේසියාවේදී අත්අඩංගුවට ගත් සැකකරුවන් තිදෙනා මෙරටට රැගෙන ඒම සඳහා සහකාර පොලිස් අධිකාරී ඕලුගල මහතා ඇතුළු විශේෂ පොලිස් කණ්ඩායමක් මැලේසියාව බලා පිටත්ව ගොස් තිබුණි.
මෙම සැකකරුවන් අතර සිටින එක් අයෙකු ප්රබල සංවිධානාත්මක අපරාධකරුවෙකු වන “කංජිපානි ඉම්රාන්” ගේ ප්රධාන ගෝලයෙකු ලෙස හඳුනාගෙන ඇති බව පොලීසිය සඳහන් කරයි. ඔහු සම්බන්ධයෙන් ජාත්යන්තර පොලීසිය හෙවත් ඉන්ටර්පෝල් මඟින් රතු නිවේදනයක්ද නිකුත් කර ඇති බව වැඩිදුරටත් වාර්තා වේ.
ශ්රී ලංකා පොලිස් කණ්ඩායමක් සහ මැලේසියානු පොලීසිය එක්ව සිදුකළ විශේෂ මෙහෙයුමකදී “රත්මලානේ සයිමා” ඇතුළු සැකකරුවන් තිදෙනා මැලේසියාවේදී අත්අඩංගුවට ගෙන තිබිණි.
මෙරටට රැගෙන ආ සැකකරුවන් සම්බන්ධයෙන් ඉදිරි නීතිමය කටයුතු සිදුකිරීමට නියමිත බව පොලීසිය සඳහන් කරයි.
