සංවිධානාත්මක අපරාධකරුවකු ලෙස සැලකෙන ‘බැකෝ සමන්’ගේ මවට වෙඩි තැබීම සඳහා පැමිණි බවට සැක කෙරෙන යතුරුපැදියක් ඌරුබොක්ක පොලීසිය විසින් සොයාගෙන තිබේ.
පොලීසිය සඳහන් කළේ, ඌරුබොක්ක – මාතර මාර්ගයේ දම්පහල පොල්වත්ත ප්රදේශයේ බෝක්කුවක් ආසන්නයේ පිහිටි තේ ඉඩමකට දමා ගොස් තිබියදී එම යතුරුපැදිය සොයාගත් බවයි.
ලැබුණු තොරතුරක් මත සිදුකළ සෝදිසි මෙහෙයුමකදී යතුරුපැදිය සොයාගෙන ඇති බව පොලීසිය වැඩිදුරටත් සඳහන් කරයි.
ඊයේ (12) පස්වරුවේ මිද්දෙණිය පොලිස් වසමේ උලහිටියාව ප්රදේශයේ නිවසකට පැමිණි නාඳුනන පුද්ගලයින් දෙදෙනෙකු විසින් වෙඩි තැබීම සිදුකර පළා ගොස් තිබුණි.
වෙඩි ප්රහාරයෙන් තුවාල ලැබූ බැකෝ සමන්ගේ මව මිද්දෙණිය රෝහලට ඇතුළත් කිරීමෙන් පසු මියගොස් තිබේ.
වෙඩි තැබීම සඳහා පිස්තෝල වර්ගයේ ගිනි අවියක් භාවිත කර ඇති බවට පොලීසිය සැක පළ කරන අතර, ඝාතනයට නිශ්චිත හේතුව මෙතෙක් අනාවරණය වී නොමැත.
සිද්ධිය සම්බන්ධයෙන් පොලීසිය වැඩිදුර විමර්ශන සිදුකරයි.
