දිවයින පුරා දැනට පවතින අයහපත් කාලගුණික තත්ත්වය හේතුවෙන් අද (21) දිනයේ දී පාසල් 38ක් සඳහා නිවාඩු ලබාදීමට අධ්යාපන අමාත්යාංශය පියවර ගෙන තිබෙන අතර පවතින වර්ෂාපතනය සහ පවතින අවදානම් තත්ත්වයන් සැලකිල්ලට ගනිමින්, අවශ්යතාවය පරිදි පාසල් පවත්වාගෙන යාම හෝ නිවාඩු ලබාදීම සම්බන්ධයෙන් සුදුසු තීරණ ගැනීමේ බලය ප්රදේශයේ අධ්යාපන බලධාරීන් වෙත පවරා ඇති බව අමාත්යාංශය නිකුත් කළ විශේෂ නිවේදනයක දැක්වේ.
එම තීරණයට අනුව අද උදෑසන 9.00 වන විට ලැබුණු තොරතුරු මත පදනම් ව මධ්යම පළාතේ පාසල් 35ක් තාවකාලිකව වසා දමා ඇත. මීට අමතරව සබරගමුව, දකුණ සහ බස්නාහිර යන පළාත්වල ද එක් පාසල බැගින් වසා තැබීමට කටයුතු කර ඇති අතර, ඒ අනුව දිවයින පුරා සමස්ත පාසල් 38ක අධ්යයන කටයුතු අද දිනයේදී නොපැවැත්වෙන බව අධ්යාපන අමාත්යාංශය වැඩිදුරටත් සඳහන් කරයි.
