හිටපු අමාත්‍ය රෝහිත බෝගොල්ලාගම, අල්ලස් හෝ දූෂණ චෝදනා විමර්ශන කොමිසමේ අත්අඩංගුවට ගෙන තිබෙනවා.
දූෂණ චෝදනාවක් සම්බන්ධයෙන් ප්‍රකාශයක් ලබා දීම සඳහා අද (07) අල්ලස් කොමිසමට පැමිණ සිටි හිටපු අමාත්‍යවරයාගෙන් ප්‍රශ්න කිරීමෙන් අනතුරුව අත්අඩංගුවට ගත් බව සඳහන් වනවා.
හිටපු අමාත්‍යවරයා කොළඹ ප්‍රධාන මහේස්ත්‍රාත් අධිකරණයට ඉදිරිපත් කිරීමට නියමිතයි.
ඔහු මෙරට විදේශ කටයුතු පිළිබඳ කැබිනට් අමාත්‍යවරයා ලෙසත්, නැගෙනහිර පළාත් ආණ්ඩුකාරවරයා ලෙසත් කටයුතු කර තිබෙනවා.
එමෙන්ම, ඔහු බ්‍රිතාන්‍යයේ ශ්‍රී ලංකා මහ කොමසාරිස්වරයා ලෙසද සේවය කළා.
