මහියංගන ප්‍රාදේශීය සභාවේ සභාපති කේ.පී ගුණවර්ධන මහතා පසුගිය සභා වාරයේ දී මන්ත්‍රී පූජ්‍ය වටරැක විජිත හිමියන් හට වතුර බෝතලයකි පහර දුන් බවට සිදුකළ පැමිණිල්ලකට අනුව අද (10) දින මහියංගන පොලිස් ස්ථානාධිපති තුමා ඇතුළු පොලිස් නිලධාරීන් කණ්ඩායමක් විසින් ප්‍රාදේශීය සභා භූමියට පැමිණ සභාපතිතුමන් අත්අඩංගුවට ගෙන මහියංගණ මහේස්ත්‍රාත් අධිකරණය හමුවට ඉදිරිපත් කර තිබේ
අද දින(10) 2023 වර්ෂය සඳහා මහියංගන ප්‍රාදේශීය සභාවේ අයවැය ඡන්ද විමසීම ද සිදුකරන ලැබූ අතර එම ඡන්ද විමසීමෙන් සභාපතිවරයා 13 ට 07ක් ලෙස යග්‍රහණය ලැබීය.
2023 වර්ෂය සඳහා වූ අයවැය ඡන්ද විමසීමට පක්ෂව ඡන්දය 13. හා එයට විරුද්ධව ඡන්ද 07 ක් එහි දී ප්‍රකාශයට පත් වූ අතර මන්ත්‍රී වරුන් දෙදෙනෙකු පැමිණ සිටියේ නැත. අයවැය ඡන්ද විමසීමෙන් අනතුරුව. සභාපතිවරයා සභාපති වරයාගේ නිල කාමරයේදී පොලිසිය විසින් අත්අඩංගුවට ගනු ලැබීය.
