රාජ්‍ය සේවයේ විශ්‍රාමිකයන්ට ඔවුන්ගේ විශ්‍රාම දිවිය සදහා යම් ප්‍රතිලාභයක් සමග විශ්‍රාම වැටුපක් ලබාදීමටත්, විශ්‍රාමිකයාව රටට බරක් නොවී ඔහුගේ විශ්‍රාම දිවිය ගත කිරීමට සුදුසු පරිසරයක් සහතික කිරීමට හැකි වන පරිදි ජාතික දායකත්ව විශ්‍රාම අරමුදල නමින් අරමුදලක් ස්ථාපිත කිරීමට අමාත්‍ය මණ්ඩල අනුමැතිය හිමිව තිබේ. ඒ අනුව රාජ්‍ය සේවකයෙකු රාජ්‍ය සේවයට බැදීමෙන් අනතුරුව ඔහුගේ මූලික වැටුපෙන් 8% ක් සහ සේවායෝජකයාගේ දායකත්ව වශයෙන් 12% ක් මාසිකව යෝජිත් අරමුදලට බැර කළ යුතු වේ.
