පසුගිය ජනාධිපතිවරණය සමයේ මහත් ආන්දෝලනයකට තුඩුදුන් සුදු වෑන් මාධ්ය සාකච්ඡාවේදී තමා ප්රකාශ කළේ තම ජීවිතයේ දී අත්විඳින්නට සිදුවූ සත්ය සිදුවීම් බව එම මාධ්ය හමුවට පෙනීසිටි අතුල සංජීව මදනායක සුදු වෑන් සිද්ධියට අදාළ නඩුව අද (02) කොළඹ මහාධිකරණ විනිසුරු දමිත් තොටවත්ත ඉදිරියේ යලි විභාගයට ගත් අවස්ථාවේ දී ප්රකාශ කළේය.
විත්තිකාර සාක්ෂිකරු අධිකරණයට ප්රකාශ කළේ මෙම සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව විසින් තමන්ව අත්අඩංගුවට ගත් පසු එම දෙපාර්තමේන්තුවෙන් සිදුකළ බලපෑම මත තමන් විසින් මහෙස්ත්රාත්වරයා ඉදිරියේ විත්තිකාර රාජිත සේනාරත්න සම්බන්ධයෙන් අසත්ය ප්රකාශ සිදුකළ බවය.
මෙම අවස්ථාවේදී විත්තිය වෙනුවෙන් පෙනී සිටි නීතිඥවරු හරස් ප්රශ්න විමසීමක් සිදු කර නොතිබිණි.
කෙසේ වෙතත් රන් භාණ්ඩ කොල්ලකෑම සම්බන්ධයෙන් තමන්ට එරෙහිව මහාධිකරණය හමුවේ නඩුවක් විභාග වෙමින් පවතින බව සාක්ෂිකරු පිළිගෙන තිබේ.
සිද්ධිය සම්බන්ධයෙන් ගොනු කර ඇති නඩුවේ ප්රධාන සාක්ෂිකරුවකු වශයෙන් නම් කර සිටින එම මාධ්ය සාකච්ඡාවට සහභාගි වූ සරත් කුමාර නමැත්තා අද දින සාක්ෂි දීම සඳහා අධිකරණය හමුවේ පෙනී නොසිටීම හේතුවෙන් ඔහු අත්අඩංගුවට ගෙන අධිකරණයට ඉදිරිපත් කරන ලෙස දන්වා කොළඹ මහාධිකරණය අද වරෙන්තු නිකුත් කළේය.
අනතුරුව වැඩිදුර නඩු විභාගය ජුනි මස 08 වනදාට කල් තැබුණි.
