ශ්‍රී ලාංකිකයින් 248 දෙනෙකු රැගෙන නවසීලන්තය බලා යාත්‍රා කළ ධීවර යාත්‍රාවක් පිළිබදව මේ දක්වා කිසිදු තොරතුරක් වාර්තා වී නොමැති බව නවසීලන්ත ගුවන් විදුලිය ඊයේ (8) නිවේදනය කළේය.
මෙම ධීවර යාත්‍රාවේ වෙනත් රටවල පිරිසක්ද සිටින බවටද තොරතුරු අනාවරණය වී තිබේ.
මාර්තු මස 28 දා මෙම ධීවර යාත්‍රාව මගින් පිරිසක් නවසීලන්තයට රැගෙන යමින් සිට ඇත්තේ සංක්‍රමණික මිනිස් ජාවාරමේ නිරත වූ පිරිසක් බවද නවසීලන්ත ගුවන් විදුලිය ප්‍රකාශ කළේය.
මෙවැනි නීති විරෝධී යාත්‍රාවක් නවසීලන්තයට පැමිණෙන බවට නවසීලන්ත රජයට ලැබුණු තොරතුරක් මත එම යාත්‍රාව අත් අඩංගුවට ගැනීමට සියලු කටයුතු යොදා තිබුණු නමුත් එවැනි යාත්‍රාවක් මේ දක්වා නොපැමිණි බව නවසීලන්ත ගුවන් විදුලි වැඩ සටහනකට සහභාගී වූ එරට ආගමන විගමන අමාත්‍ය මයිකල් වුඩ් ඒ පිළිබදව වැඩි විස්තර ප්‍රකාශ කිරීම ප්‍රතික්ෂේප කොට සිටියේය.
කෙසේ වෙතත් ශ්‍රී ලාංකිකයින් 248 ක් සමග ධීවර යාත්‍රාවක් නවසීලන්තය බලා යාතා කළ බවට මිනිස් මෙම ජාවාරමේ නිරත ඒජන්සිකරුවාද පිළිගෙන තිබේ.
