කච්චතිව් දූපතේ නාවික හමුදාව විසින් තැන්පත් කළ කුඩා බුදු පිළිමය ඉවත් කර තිබෙනවා.
මෙම පිළිමය ඉවත් කරන ලෙස දෙමළ ජාතික සන්ධානයේ මන්ත්‍රීවරුන් පසුගියදා විරෝධතාවල නිරතවූ අතර, සමාජ මාධ්‍යයෙන් ද එම පිළිමය සම්බන්ධයෙන් ප්‍රචාරයක් ලබාදී තිබුණා.
එබැවින් අදාළ පිළිමය එම ස්ථානයෙන් ඉවත් කළ බවයි නාවික හමුදා මාධ්‍ය ප්‍රකාශක කපිතාන් ගයාන් වික්‍රමසූරිය සඳහන් කළේ.
මෙය ස්ථිර ඉදිකිරීමක් නොවන බවත්, කච්චතිව් දූපතේ පිහිටි ශාන්ත අන්තෝනි මුනිඳුන්ගේ දේවස්ථානයේ ආරක්ෂාවට යොදවා සිටින නාවික භටයින් වන්දනා මාන කිරීම සඳහා එහි තැන්පත් කර තිබූ බවයි නාවික හමුදා මාධ්‍ය ප්‍රකාශකවරයා වැඩිදුරටත් කියා සිටියේ.
