පුරෝගාමී යුරෝපීය චන්ද්‍රිකාවක් ඉදිරි පැය කිහිපය තුළ පෘථිවියට පතිත වීමට නියමිත බවට තොරතුරු වාර්තා වෙනවා.
යුරෝපා අභ්‍යවකාශ ආයතනය නිවේදනයකර සිටියේ පෘථිවි කක්ෂයේ රඳවා තිබූ මෙම චන්ද්‍රිකාව අද (21) පොළොවට කඩා වැටීමට නියමිත බවයි.
මෙම චන්ද්‍රිකාව, පෘථිවි කක්ෂයට යවා රැඳවූයේ 1995 දී වන අතර එය කඩා වැටීම ආරම්භ වූයේ 2011 වසරේ සිටයි.
ERS-2 නැමති මෙම චන්ද්‍රිකාවේ ඇස්තමේන්තුගත බර රාත්තල් 5057ක ප්‍රමාණයක් ගන්නා බවයි වාර්තා වෙන්නේ.
අද දිනයේ අධික වේගයකින්, ගිනි ගෙන දැවෙමින් මෙය පෘථිවියට කඩා වැටීමට නියමිත බවත්, එයින් කිසිවකුටවත් අනතුරක් සිදු නොවන බවයි යුරෝපා විද්‍යාඥයන් පවසන්නේ.
පෘථිවි වායුගෝලයට පිවිස අධික වේගයෙන් පහළට එද්දී, චන්ද්‍රිකාවෙන් වැඩි කොටසක් ගුවනේදීම විනාශ වනු ඇති බවයි යුරෝපා විද්‍යාඥයන් වැඩි දුරටත් ප්‍රකාශකර සිටින්නේ.
