පොලිස් මූලස්ථානය Clean Sri Lanka – 2025 වැඩසටහනට සමගාමීව මාර්ග ආශ්රිතව සිදුවන රථ වාහන වැරදි හා මාර්ග නීති උල්ලංඝණය කිරීම් සම්බන්ධව මහජනතාවට ක්ෂණිකව පැමිණිලි කිරීම සඳහා e-Traffic ජංගම දුරකථන යෙදවුම අද (01) පොලිස් මූලස්ථානයේදී වැඩබලන පොලිස්පති නීතීඥ ප්රියන්ත වීරසූරිය විසින් හඳුන්වා දෙනු ලැබවා.
ශ්රී ලංකා පොලිසියේ නිල වෙබ් අඩවිය වන www.police.lk ඔස්සේ E-services වෙත පිවිස e-Traffic ජංගම දුරකථන යෙදවුම ඔබගේ ජංගම දුරකථනය වෙත පහසුවෙන් බාගත කර ගැනීමට හැකියාව ඇති අතර ඒ මඟින් ඔබගේ පැමිණිලි ක්ෂණිකව පොලිස් මූලස්ථානය වෙත යොමු කල හැකියි.
දිවයිනේ සියළුම පොලිස් කොට්ඨාස ආවරණය වන පරිදි පොලිස් ස්ථාන 607 ක රථ වාහන නිලධාරීන් රාජකාරි යෙදී සිටින අතර දෛනිකව සිදු වන රිය අනතුරු අවම කර ගැනීමට මහජනයාගේ සහය ලබා ගැනීම මෙම e-Traffic ජංගම දුරකථන යෙදවුම හඳුන්වා දීම මඟින් අපේක්ෂා කෙරෙනවා.
ඒ ඔස්සේ Camera option icon හෝ Video option icon භාවිතයෙන් රථ වැරදි සම්බන්ධයෙන් හා මාර්ග ආශ්රිතව සිදුවන අනෙකුත් සිදුවීම් සම්බන්ධයෙන් ඡායාරූප සහ වීඩියෝපට මෙම ගිණුම හරහා පොලිස් මූලස්ථානය වෙත යොමු කල හැකියි.
එලෙස ලබා දෙන තොරතුරු අනුව රථ වාහන වැරදි සිදු කරන රියදුරන් හා අනෙකුත් සිද්ධීන් සම්බන්ධයෙන් විමර්ශන කර ඉදිරි නෛතික ක්රියා මාර්ග ගැනීම සඳහා අදාල පොලිස් ස්ථාන හා පොලිස් අංශ වෙත යොමු කිරීමට පොලිස් මූලස්ථානය කටයුතු කරන බවද සඳහන් වනවා.
එම විමර්ශන කටයුතු වල ප්රගතිය සම්බන්ධයෙන් ද පොලිස් මූලස්ථානය මඟින් අධීක්ෂණය කිරීමට නියම්තයි.
