මාස තුනකින් පමණ මහපොළ ශිෂ්යාධාර ලැබී නැතැයි අන්තර් විශ්වවිද්යාල ශිෂ්ය බල මණ්ඩලය පවසනවා.
එහි කැඳවුම්කරු මධුෂාන් චන්ද්රජිත් සඳහන් කළේ, ඇතැම් විශ්වවිද්යාලවලට මාස 3ට වැඩි කාලයක් ශිෂ්යාධාර ලැබී නොමැති බවයි.
ඒ සම්බන්ධයෙන් අධ්යාපන, උසස් අධ්යාපන හා වෘත්තීය අධ්යාපන අමාත්යංශයේ ලේකම් නාලක කළුවැව පවසා තිබුණේ පසුගිය සමයේ රට තුළ ඇතිවූ ආර්ථික අර්බුදයත් සමඟ මහපොළ ශිෂ්යාධාර ගෙවීමේ ප්රමාදයක් සිදුව ඇති බවයි.
ඒ අනූව වසරකට වැඩි කාලයක්, ගෙවීම් ප්රමාදව පැවති බව, ලේකම්වරයා සඳහන් කරනවා.
ඔහු පැවසුවේ, මේ වන විට එය මාස තුනක් දක්වා අවම කර ඇති බවයි.
ඒ අනුව ඉදිරියේදී එම ගැටලුව අවසන් කර, සාමාන්ය ක්රමවේදයට අනුව මාසිකව ගෙවීම් කිරීමට පියවර ගන්නා බව, අධ්යාපන අමාත්යංශ ලේකම්වරයා සඳහන් කළා.
