සමගි ජන බලවේගය ප්‍රමුඛ අනෙකුත් පක්ෂ නියෝජිතයින් විසින් පහුගිය දා වැලිගම ප්‍රාදේශීය සභාවේ සභිකයින් දෙදෙනෙක් පැහැර ගැනීමේ සිද්ධිය ජාතික ජන බලවේගය මඟින් සැළසුම් සහගත ලෙස සිදු කළ පැහැරගැනීමක් බව ප්‍රකාශ කරයි.
ඒ අනුව සිද්ධිය ඇසින් දුටු තැනැත්තියක්ද ප්‍රවෘත්ති සාකච්ඡාවකට කැඳවා ඔවුන් විසින් අඳාළ සභිකයින් දෙදෙනා පැහැර ගැනීම සම්බන්ධ කරුණු රැසක් අනාවරණය කර තිබේ.
ඒ ඇසින් දුටු සාක්ෂිකරිය පවසා ඇත්තේ එම මන්ත්‍රී වරිය සහ මන්ත්‍රීවරයා ත්‍රිරෝද රථයකින් පැමිණ තම නිවස ඉදිරිපිට නවතා තිබූ ජීප් රථයකට ගොඩවූ බවත් එය කිසිසේත් පැහැර ගැනීමක් ආකාරයට නොපෙනුනු බවයි.
එසේම අදාළ මන්ත්‍රීවරිය තමන් හොඳින් හඳුනන බවත් ඒ මොහොතේ තමන්ටද අත වනාගෙන ස්ථානයෙන් පිටව ගිය බවත් ඇය කියා සිටියි.
එසේ වුවත් රාත්‍රී‍යේදී ප්‍රවෘත්තිවලින් අදාළ මන්ත්‍රී දෙපළ පැහැර ගැනීමක් වූ බව ප්‍රකාශ කළ බැවින් ඇය කලබල වූ බවද පැවසුවේ ඇසින් දුටු සාක්ෂිකාරියක් ලෙස එවන් පැහැර ගැනීමක සළකුණක් එම අවස්ථාවේ නොතිබූ බැවින් ලෙසද පවසයි.
කෙසේ වෙතත් ඉකුත් දින පැවති වැලිගම ප්‍රාදේශීය සභාවේ මංගල සභාවාරයට පෙර ජාතික ජන බලවේගයේ මන්ත්‍රීවරුන් දෙදෙනෙක් පැහැරගත් බව කියන සිද්ධියක් පිළිබඳව විශාල ආන්දෝලනාත්මක තත්ත්වයක් මතු විය.
මේ නිසා සභාවේ කටයුතු දින නියමයක් නොමැතිව කල් තැබීමට පියවර ගැනීමක් සිදු වූ බවත් වාර්තා වු අතර මෙසේ පැහැර ගැනීමට ලක්ව තිබුණේ අජිත් ප්‍රියන්ත සහ කමනි අල්විස් යන සභිකයින් දෙදෙනෙකි.
ඉන්පසු මෙසේ පැහැරගත් බව කියූ ජාතික ජන බලවේගයේ සභිකයින් දෙදෙනා උණවටුන වෙරළ තීරයේදී සිට හමුවූ බව පොලිසිය ප්‍රකාශ කලේය.
මේ සමඟ අඳාළ සිද්ධිය පිළිබඳව සමගි ජන බලවේගය ප්‍රමුඛ පක්ෂ කිහිපයකට චෝදනා එල්ල වූ අතර සමගි ජන බලවේගය සඳහන් කළේ ජාතික ජනබලවේගය විසින් මෙය සැලසුම් සහගතව සිදු කර තිබෙන බවයි.
එමෙන්ම ප්‍රවෘත්ති සාකච්ඡාවක් කැඳවමින් එම සභිකයින් දෙදෙනා ගමන් කළ බව කියන ජීප් රථයක CCTV දර්ශන ද මාධ්‍ය වෙත නිකුත් කිරීමට පියවර ගෙන ඇත.
