අම්බලන්ගොඩ ප්රධාන බස් නැවැතුම්පොළේ සහ මහජනතාව වැඩියෙන් ගැවසෙන ස්ථානවල ගැබිනි කාන්තාවන් යොදවා මුදල් පසුම්බි සොරකම් කරන පිළිබඳ පොලිසියට තොරතුරු ලැබී තිබේ.
අදාළ පිරිස හඳුන්කූරු අලෙවි කරන මුවාවෙන් මෙම සොරකම සිදු කරන බවයි මුලික පොලිස් පරීක්ෂණවලදී අනාවරණය වී ඇත්තේ.
පොලිසිය පවසන්නේ ගැබිනි කාන්තාවක් පසුගිය දිනක අම්බලන්ගොඩ බස් නැවතුම්පොළේදී කාන්තාවකගේ මුදල් පසුම්බියක් සොරකම් කරන ආකාරය ආරක්ෂිත කැමරාවක් පරීක්ෂා කිරීමේදී හෙළි වූ බවය.
ගැබිනි කාන්තාවන් සංවිධානාත්මක කණ්ඩායම් විසින් නගරයට ගෙනැවිත් මෙම ව්යාපාරයේ යොදවන බවයි මේ වන විට අනාවරණය වී ඇත්තේ.
කෙසේ වෙතත් මේ ආකාරයේ සොරකම් සඳහා ගැබිනි කාන්තාවන් පිරිසක් අම්බලන්ගොඩ නගරයේ යොදවා ඇති බැවින් ඔවුන්ගෙන් ප්රවේසම් වන ලෙසත් අම්බලන්ගොඩ පොලිසිය නගරයට පැමිණෙන ජනතාවගෙන් ඉල්ලා සිටි.
