තරුණියකට අමානුශික ලෙස පහරදීමේ සිදුවීමක් මුල්කරගෙන ඌව පළාත් ආණ්ඩුකාර ඒ.ජේ.එම්. මුසම්මිල්ගේ පුත් මොහොමඩ් ඉෂාම් ජමාල්ඩීන් අත්අඩංගුවට ගැනීම සඳහා පොලීසිය විසින් විමර්ශනයක් ආරම්භ කර තිබෙනවා.
කොළඹ හැව්ලොක්හි මහල් නිවාස සංකීර්ණයකදී ඊයේ (02දා) අලුයම අදාළ තරුණියට මෙම පහරදීම සිදුකර තිබෙන බව පොලීසිය පවසනවා.
මේ වනවිට පහර කෑ තරුණිය තුවාල ලබා පෞද්ගලික රෝහලකට ඇතුළත් වී ප්රතිකාර ලබමින් සිටියි.
එම තරුණිය විසින් කළ පැමිණිල්ලකට අනුව වැඩිදුර විමර්ශන සිදු කරන වැල්ලවත්ත පොලීසිය, කොල්ලුපිටිය සහ කැප්පෙටිපොළ ප්රදේශවල පිහිටි ආණ්ඩුකාර පුත්රයාගේ නිවෙස් පුළුල් සෝදිසි කිරීමකට ලක්කර තිබෙනවා.
නමුත් මේ දක්වා ඔහු අත්අඩංගුවට ගැනීමට හැකි වී නොමැත. කෙසේ වෙතත් පොලීසිය විසින් අධිකරණයට කරුණු දක්වා මේ වනවිට ජමාල්ඩීන්ට විදේශ ගමන් තහනමක් පනවා තිබෙනවා.
මෙම පහරදීමට හේතුව මෙතෙක් හඳුනාගෙන නොමැති අතර, පෞද්ගලික ආරවුලක් ඊට හේතුවී ඇති බවට පොලීසිය සැක පළ කරනවා.
මෙම පහර කෑ තරුණිය මෙරට ප්රසිද්ධ ව්යාපාරිකයෙකුගේ දියණියක වන අතර, ඇය විවාහ වී සිටින්නේ ඔස්ට්රේලියානු පුරවැසියෙකු සමග බවද සඳහන් වෙනවා.
