නිධානයකින් ගත් බව කියන මැණික්ගල් 14 ක් රුපියල් කෝටි දහ තුන හමාරකට අලෙවි කිරීමට සුදානම් වු කාන්තාවක් ඇතුළු පුද්ගලයන් හය දෙකු කටුගස්තොට පොලීසිය මගින් අත් අඩංගුවට ගනු ලැබ තිබෙනවා.
සැකපිට අත්අඩංගුවට ගත් පිරිස අතර අඹුසැමි යුවලක් ද සිටින බවත්, ගාල්ල හිනිදුම හා කොළඹ පදිංචි මෙම සැකකරුවන් මැණික්ගල් රැගෙන මහනුවරට පැමිණ ඇත්තේ යතුරුපැදිවලින් බවත් විමර්ශනවලින් හෙළිදරවු වී යැයි පොලිසිය කියයි.
මැණික් ගල් දෙකක් සඳහා මැණික් හා ස්වරණාභරණ අධිකාරිය මගින් නිකුත් කළ සහතියක් ද සැකකරුවන් සතුව තිබී සොයා ගෙන ඇති අතර එය ද ව්‍යාජ ලෙස සකස් කළ එකක් බවට පොලීසිය සැක කරයි.
එම වාර්තාව ද අත් අඩංගුවට ගත් සියලුම මැණික් ගල් ද මැණික් හා ස්වර්ණාභරණ අධිකාරිය වෙත යොමුකර වාර්තාවක් ලබා ගැනීමට පොලීසිය කටයුතු කර තිබේ.
කටුගස්තොට පොලිසීයේ ස්ථානාධිපති ප්‍රධාන පොලිස් පරීක්ෂක අයි.ආර් රාජපක්ෂ ගේ උපදෙස් මත පරීක්ෂණ පැවැත්වෙයි.
