ඉන්දියාවේ උත්තර ප්රදේශ් ප්රාන්තයේ ෆිරෝසාබාද් (Firozabad) නගරය ලෝක ප්රසිද්ධ වී ඇත්තේ වීදුරු සහ වළලු නිෂ්පාදනයටයි. ෆිරෝසාබාද්හි කුඩා නිෂ්පාදන මධ්යස්ථාන 400කට වඩා පවතින අතර, ඒවායේ මෝටර් රථ ලාම්පු ආවරණ, වළලු, විදුලි පහන් ආවරණ සහ විසිතුරු පහන් වැනි විවිධ භාණ්ඩ නිපදවයි. ඉන්දියාවේ වීදුරු නිෂ්පාදනය ගත්කළ 70% වීදුරු නිෂ්පාදනය කරනු ලබන්නේ මෙම නගරයේ බව ඉන්දීය මාධ්ය වාර්තා කරයි.
නමුත් වර්තමානයේ මැදපෙරදිග කලාපයේ පවතින යුද ගැටුම් හේතුවෙන් එම නගරයේ කර්මාන්ත ශාලාවන්ට දැඩිලෙස බලපෑම් එල්ල වී තිබේ. මෙම වීදුරු උණු කරනු ලබන පෝරණු දිවා රාත්රී ක්රියා කිරීමට ස්වභාවික වායුව (gas) අවශ්ය වේ. යුද්ධය නිසා මෙම ස්වාභාවික වායුව සැපයුම සීමා වී ඇති අතර, පවතින ස්වාභාවික වායු (gas)වල මිල අධික ලෙස ඉහළ ගොස් ඇත.
මෙලෙස වායු සැපයුම 20%කින් පමණ අඩු වීම නිසා නිෂ්පාදන ධාරිතාව 40% – 50% දක්වා පහත වැටී තිබේ. මේ හේතුවෙන් බොහෝ කුඩා කර්මාන්තශාලා දැනටමත් වසා දමා ඇති බව විදෙස් වාර්තා පවසයි.
ෆිරෝසාබාද් නගරයෙන් අමෙරිකාව සහ යුරෝපය වැනි රටවලට යවන වීදුරු භාණ්ඩ ප්රවාහනය කරන මුහුදු මාර්ග විශේෂයෙන් පර්සියානු ගල්ෆ් කලාපය අවදානම් සහගත වී ඇති නිසා නැව් ගාස්තු සහ රක්ෂණ ගාස්තු විශාල ලෙස ඉහළ ගොස් තිබේ.
මෙම නගරයේ ලක්ෂ 1.5කට අධික පිරිසක් සෘජුව සහ වක්රව මෙම නගරයේ කර්මාන්ත ශාලාවන්ගෙන් යැපෙන බව සඳහන් වෙයි. දැනටමත් දහස් ගණනකට රැකියා අහිමි වී ඇති අතර තවත් බොහෝ පිරිසක් අර්ධකාලීනව වැඩ කරනු ලබන බවද ඉන්දීය මාධ්ය පවසයි.
ඔවුන් දිනකට උපයනු ලබන්නේ රුපියල් 500ත් 1,000ත් අතර මුදලක් බව සඳහන් වෙයි. වර්තමානය වන විට එදිනෙදා ජීවනෝපායට අවශ්යවන භාණ්ඩ හා සේවාවන්හි මිල ගණන් ඉහළයාම හමුවේ සේවකයින්ට ලැබෙන එම වැටුප ඔවුන්ගේ ජීවනෝපායට කිසිසේත් ප්රමාණවත් නොවන බව එහි කර්මාන්ත සේවකයින් පවසා ඇත.
ඉන්දියාවේ දළ දේශීය නිෂ්පාදිතයෙන් 30% ක්ම ලැබෙන්නේ මෙවැනි කුඩා සහ මධ්යම පරිමාණ කර්මාන්ත හරහාය. සාමාන්යයෙන් සෑම වර්ෂයකම මාර්තු සිට අගෝස්තු දක්වා කාලය උත්සව සඳහා ඇණවුම් ලැබෙන කාලය වුවත්, මෙවර එම ඇණවුම් සම්පූර්ණ කිරීමට නොහැකි වී ඇති බව සඳහන් වෙයි. යුද්ධය ආරම්භ වූ දා සිට 25% සිට 40% දක්වා පාඩු ලබන බව කර්මාන්තශාලාවන්හි නිළධාරීන් පවසා තිබේ.
මේ අතර, අන්තර් ඉන්දියානු වීදුරු නිෂ්පාදකයින්ගේ සම්මේලනයේ මුකේෂ් බන්සාල් මහතා පවසා ඇත්තේ වීදුරු උණු කිරීම සඳහා අවශ්ය රසායනික ද්රව්ය ඉන්දියාවේ විවිධ ප්රදේශවලින් මෙන්ම ඇතැම් ඒවා මැදපෙරදිග රටවලින් ද ආනයනය කරනු ලබයි. මෙම ඇතැම් රසායනික ද්රව්ය මැදපෙරදිගින් ගෙන්වන බැවින් මැදපෙරදිග යුදමය තත්ත්වය හේතුවෙන් එම සැපයුම් ජාලයට ද බලපෑම් එල්ල වී ඇති බව සඳහන් වෙයි.
පෝරණු (furnaces) නොකඩවා ක්රියාත්මක වීමේ අවශ්යතාවය රජය පිළිගෙන ඇති අතර, සැපයුම් කළමනාකරණය කිරීමට පියවර ගන්නා බව පවසා ඇත. මේ අතර, මෙම තත්ත්වය දිගින් දිගටම පැවතුණහොත් එම කර්මාන්තශාලා සම්පූර්ණයෙන්ම වසා දැමීමට හෝ නිෂ්පාදනය සීමා කිරීමට සිදුවනු ඇති බව කර්මාන්තශාලා නිළධාරීන් පවසා තිබේ.
