ඉන්ධන මිල සංශෝධනය කරමින් පෙට්රල් සහ ඩීසල් මිල අඩු කළද, පාසල් ළමුන් ප්රවාහන ගාස්තු සහ ත්රීරෝද රථ කුලී ගාස්තු මේ වනවිට අඩු කිරීමට නොහැකි බව අදාළ සංගම් පවසයි.
ලංකා ඛනිජ තෙල් නීතිගත සංස්ථාව ඊයේ (29) මධ්යම රාත්රියේ සිට ක්රියාත්මක වන පරිදි ඔක්ටේන් 92 පෙට්රල් ලීටරයක මිල රුපියල් 20කින් පහළ දමා රුපියල් 414ක් දක්වා අඩු කර තිබේ. එමෙන්ම ඔටෝ ඩීසල් ලීටරයක මිලද රුපියල් 25කින් අඩු කර රුපියල් 382ක් ලෙස නියම කර ඇත.
කෙසේවෙතත්, ඔක්ටේන් 95 පෙට්රල්, සුපර් ඩීසල් සහ භූමිතෙල් සඳහා මිල සංශෝධනයක් සිදුකර නොමැති බවද වාර්තා වේ.
සමස්ත ලංකා පාසල් ළමුන් ප්රවාහන සංගමය පෙන්වා දෙන්නේ, ඉන්ධන මිල පහළ ගියද රථ නඩත්තු වියදම් තවදුරටත් ඉහළ මට්ටමක පවතින බවයි. ලිහිසි තෙල්, ටයර් සහ අමතර කොටස්වල මිල වැඩිවීම හේතුවෙන් වර්තමානයේ ගාස්තු අඩු කිරීම ප්රායෝගික නොවන බව එම සංගමය සඳහන් කරයි.
සංගමයේ සභාපති ලලිත් චන්ද්රසිරි මහතා ප්රකාශ කළේ, ඉන්ධන මිල අඩුවීම පමණක් ප්රමාණවත් නොවන අතර රථ නඩත්තු සඳහා අවශ්ය අනෙකුත් ද්රව්යවල මිලද පාලනය කළහොත් පමණක් ගාස්තු සංශෝධනයක් ගැන සලකා බැලිය හැකි බවයි.
