අභාවප්රාප්ත ප්රවීණ ගායන ශිල්පී රුක්මන් අසිත මහතාගේ දේහය පිළිබඳ අවසන් කටයුතු හෙට (02) දිනයේ දී සිදු කිරීමට නියමිතය.ශ්රී ලාංකික සංගීත ක්ෂේත්රයේ ජනප්රිය ගායන ශිල්පියෙකු වූ රුක්මන් අසිත මහතා අභාවප්රාප්ත වී තිබේ.
ජූනි 29 වන දා අභාවප්රාප්ත වූ ඔහු මිය යන විට 48 වන වියේ පසුවූ බව වාර්තා වේ.
ප්රසංග වේදිකාව තුළ සුවිශේෂී ගායන හැකියාවකින් ප්රේක්ෂක ආදරය දිනාගත් රුක්මන් අසිත මහතා, Sahara Flash, Flamingos සහ Sanidapa වැනි ජනප්රිය සංගීත කණ්ඩායම් සමඟ ද කලා කටයුතු කර තිබුණි.
“තහනමක් නෑ”, “දැන් හිතට සතුටුයිදෝ”, “බොරු චෝදනා”, “රිදවාලා හැර ගියත්”, “සමුගන්න”, “ජීවිතේ අපේ”, “අම්මා” සහ “සුළඟ වගේ ඇවිදින්” වැනි ගීත ඔහුගේ ජනප්රිය නිර්මාණ අතරට එක්වෙයි.
එමෙන්ම 2015 වසරේ ප්රදර්ශනය වූ “My Name Is Bandu” චිත්රපටයේ සංගීත කටයුතු සඳහාද ඔහු දායකත්වය ලබාදී තිබුණි.
රුක්මන් අසිත මහතාගේ හඬ, වේදිකා ඉදිරිපත් කිරීමේ ශෛලිය සහ නිර්මාණශීලී දායකත්වය ශ්රී ලාංකික සංගීත ක්ෂේත්රයේ දිගුකාලීන මතකයක් ඉතිරි කරනු ඇත.
