ජපානයේ චිබා ප්රාන්තයේදී 21 හැවිරිදි ශ්රී ලාංකික තරුණයෙකු තියුණු ආයුධයකින් පහරදීම හේතුවෙන් ජීවිතක්ෂයට පත්ව ඇති බව විදෙස් මාධ්ය වාර්තා කරයි.
ජපානයේ අධ්යාපනය ලබමින් සිටි මෙම තරුණයා, ඔහු සමඟ නවාතැන් ගෙන සිටි 18 හැවිරිදි තවත් ශ්රී ලාංකික තරුණයෙකු විසින් සිදුකළ පහරදීමකින් මියගොස් ඇති බව සඳහන් වේ.
දෙදෙනා අතර ඇති වූ බහින්බස්වීමක් දුරදිග යාමෙන් අනතුරුව මෙම සිදුවීම සිදුව ඇති බවට එරට පොලීසිය සිදුකළ මූලික විමර්ශනවලදී අනාවරණය වී තිබේ.
සිද්ධිය සම්බන්ධයෙන් 18 හැවිරිදි සැකකරු ජපාන පොලීසිය විසින් අත්අඩංගුවට ගෙන ඇත.
පොලිස් ප්රශ්න කිරීම් හමුවේ සැකකරු පවසා ඇත්තේ තමන්ට සහ තම මවට අපහාස කිරීම හේතුවෙන් දැඩි කෝපයට පත්වීමෙන් අනතුරුව පහරදීම සිදුකළ බවයි.
සිද්ධිය සම්බන්ධයෙන් ජපාන පොලීසිය වැඩිදුර විමර්ශන පවත්වන බව විදෙස් මාධ්ය වැඩිදුරටත් වාර්තා කරයි.
