රී ලංකා මහ බැංකුවේ මුදල් ප්රතිපත්ති මණ්ඩලය විසින් සිය එක්දින ප්රතිපත්ති පොලී අනුපාතිකය වෙනස් නොකර 8.75% මට්ටමේ ම පවත්වාගෙන යාමට තීරණය කර ඇත. දේශීය හා ගෝලීය වශයෙන් මතු ව ඇති වර්තමාන හා ඉදිරි ආර්ථික ප්රවණතා සලකා බලමින් ඊයේ (29) පැවැති රැස්වීමේ දී මෙම තීරණය ගෙන තිබේ.
මැදපෙරදිග භූ-දේශපාලනික නොසන්සුන්භාවය, එල් නිනෝ කාලගුණික බලපෑම මෙන් ම 2026 මැයි මාසයේදී ක්රියාත්මක කළ මුදල් ප්රතිපත්ති දැඩි කිරීමේ මෙහෙයුම්වල ප්රතිඵල කෙරෙහි ද මෙහි දී විශේෂ අවධානය යොමු වී ඇත.
බලශක්ති පිරිවැය ඉහළ යාම හේතුවෙන් 2026 අගෝස්තු මාසයේ දී ප්රධාන උද්ධමනය 8.0% දක්වා ඉහළ ගිය ද, 2026 වසරේ පළමු අර්ධයේ දී 4.7%ක තාත්වික ආර්ථික වර්ධනයක් වාර්තා කරමින් දේශීය ආර්ථික කටයුතු යහපත් මට්ටමක පවතින බව මහ බැංකුව වැඩිදුරටත් පෙන්වා දෙයි.
