නව යොවුන් වියේ පසුවන තරුණ තරුණියන් අතර බඩවැල් ආශ්රිත රෝග තත්ත්වයන් වැඩිවෙමින් පවතින බව ආමාශ ආන්ත්රික හා අක්මා රෝග පිළිබඳ විශේෂඥ වෛද්ය සුපුන් කුලතුංග මහතා සඳහන් කරයි.
තරුණ පිරිස කෘත්රිම හා සැකසූ ආහාරවලට වැඩි වශයෙන් යොමුවීම මෙම තත්ත්වයට බලපාන ප්රධාන හේතුවක් බවද විශේෂඥ වෛද්යවරයා පෙන්වා දෙයි.
සෞඛ්ය ප්රවර්ධන කාර්යාංශයේ පැවති මාධ්ය හමුවකට එක්වෙමින් ඔහු මේ බව ප්රකාශ කළේය.
වෛද්ය සුපුන් කුලතුංග මහතා පෙන්වා දුන්නේ මොළය සහ බඩවැල් අතර සංකීර්ණ සම්බන්ධතාවක් පවතින බවයි. එය වෛද්ය විද්යාවේදී “Gut-Brain Axis” ලෙස හඳුන්වන බවද ඔහු සඳහන් කළේය.
පුද්ගලයෙකු අධික ආතතියකින් හෝ කාංසාවකින් පසුවන අවස්ථාවලදී එහි බලපෑම බඩවැල් ක්රියාකාරීත්වයටද දැනිය හැකි බව ඔහු පැවසීය.
ආතතිය, කාංසාව, ආහාර රටාව සහ ජීවන රටාවේ සිදුව ඇති වෙනස්කම් ඇතුළු කරුණු කිහිපයක එකතුවක් හේතුවෙන් Irritable Bowel Syndrome (IBS) හෙවත් කෝපකාරී බඩවැල් සහලක්ෂණය ඇතිවිය හැකි බවද විශේෂඥ වෛද්යවරයා පැහැදිලි කළේය.
වර්තමානයේ මෙම තත්ත්වය තරුණ පිරිස අතර වැඩි වශයෙන් දක්නට ලැබෙන බව පවසන ඔහු, එළවළු, පලතුරු, පලා වර්ග සහ ධාන්ය වැනි ස්වභාවික ආහාර වෙනුවට පහසුවෙන් ලබාගත හැකි කෘත්රිම හා සැකසූ ආහාරවලට තරුණයන් වැඩි වශයෙන් යොමුවීම ඊට එක් හේතුවක් ලෙස පෙන්වා දෙයි.
