ඕමානයට බෝම්බ ප්රහාරයක් එල්ල කරන බවට අමෙරිකානු ජනාධිපති ඩොනල්ඩ් ට්රම්ප් කළ ප්රකාශයත් සමඟ ලෝක වෙළෙඳපොළේ බොරතෙල් මිල අද (18) යළි ඉහළ ගොස් තිබේ.
ඒ අනුව බ්රෙන්ට් බොරතෙල් බැරලයක මිල අමෙරිකානු ඩොලර් 90 සීමාව පසුකරමින් ඩොලර් 91.24ක් දක්වා ඉහළ ගොස් ඇත.
මර්බන් වර්ගයේ බොරතෙල් බැරලයක මිල ඩොලර් 97.70ක් දක්වාත්, WTI බොරතෙල් බැරලයක මිල ඩොලර් 85ක් දක්වාත් ඉහළ ගොස් ඇති බව වාර්තා වේ.
ඉරානය සමඟ හෝමුස් සමුද්ර සන්ධිය සම්බන්ධයෙන් පැවැත්වෙන සාකච්ඡාවලට බාධා එල්ල කළහොත් ඕමානයට බෝම්බ ප්රහාර එල්ල කරන බවට ජනාධිපති ඩොනල්ඩ් ට්රම්ප් ඊයේ (17) ෆොක්ස් නිව්ස් මාධ්යවේදීන් සමඟ පැවති සම්මුඛ සාකච්ඡාවකදී ප්රකාශ කර තිබේ.
හෝමුස් සමුද්ර සන්ධියේ නාවික ගමනාගමනය පාලනය කිරීම සම්බන්ධයෙන් ඉරානය සහ ඕමානය අතර මේ වනවිට වෙනම සාකච්ඡා පැවැත්වෙන අතර, අමෙරිකාවද එම කරුණ සම්බන්ධයෙන් සාකච්ඡාවල නිරතව සිටින බව සඳහන් වේ.
