අද රෑ අහස බලන්න අමතක කරන්න එපා – රෑ අහසේ සිදුවන අපූරු සිදුවීම මෙන්න !

වාර්ෂිකව දැකගත හැකි Lyrid උල්කාපාත වර්ෂාව අද රාත්‍රියේ බටහිර අහසේ ශ්‍රී ලංකාවට දර්ශනය වන බව අභ්‍යවකාශ විද්‍යාඥ සහ ඉංජිනේරු ගිහාන් වීරසේකර පවසයි.

‘වීණා’ නම් තරු රටාවත් සමඟ එය දැකගත හැකිය.

අවම වශයෙන් පැයකට උල්කාපාත 20 ක් පියවි ඇසට පෙනෙනු ඇතැයි අපේක්ෂා කෙරේ.

Lyrids උල්කාපාත වර්ෂාව සෑම වසරකම අප්‍රේල් 15 සිට අප්‍රේල් 29 දක්වා දැකගත හැකිය.

හෙට අලුයම උල්කාපාත වර්ෂාව උපරිමයට ළඟා වනු ඇත.

කෙසේවෙතත් චන්ද්‍රයාගේ දීප්තිය නිසා එය පැහැදිලිව දැකීමට අපහසු වනු ඇතැයි පැවැසේ.

උල්කාපාත වර්ෂාව නැරඹීමට හොඳම කාලය අලුයම 4 සිට 5 දක්වා කාලයයි.

උල්කාපාත යනු ග්‍රහක හෝ වල්ගා තරු වැනි ඇතැම් ආකාශ වස්තූන් නිසා ඉතිරි වූ කුඩා සුන්බුන් ය.