ශ්‍රී ලංකා ක්‍රිකට් ක්‍රීඩක අශේන් බණ්ඩාර පිළියන්දල කොළමුන්න ප්‍රදේශයේදී පුද්ගලයෙකුගේ නිවසට අයුතු ලෙස ඇතුල්වී පහරදීමට තැත් කිරීම සම්බන්ධයෙන් ඊයේ (09) රාත්‍රියේ අත්අඩංගුවට ගෙන ඇති බව වාර්තා වේ.
ඒ අනුව, පිළියන්දල පොලිස් ස්ථානය වෙත කරන ලද පැමිණිල්ලට අදාළව මෙම අත්අඩංගුවට ගැනීම සිදුකර ඇති අතර, අශේන් බණ්ඩාර හා අදාළ පැමිණිලිකරු එකිනෙකට යාබද නිවෙස්වල පදිංචිකරුවන්ද වේ.
ක්‍රිකට් ක්‍රීඩක අශේන් බණ්ඩාර යන අයගේ මෝටර් රථය මාර්ගය අවහිර වන පරිදි නවතා තිබීම හේතුවෙන් ඇතිවූ කතා බහක් දුරදිග යාමෙන් මෙම සිදුවීම සිදුවී ඇති බවට තොරතුරු අනාවරණය වී ඇති බවයි වාර්තා වන්නේ.
