2026 වසරේ ජූලි මාසයට අදාළ එකතු කළ අගය මත බද්ද (VAT) අගෝස්තු 20 වැනිදාට පෙර ගෙවා අවසන් කළ යුතු බව දේශීය ආදායම් දෙපාර්තමේන්තුව දැනුම් දෙයි.
බදු මුදල් නොගෙවීම හෝ නියමිත කාලය ඉක්මවා ගෙවීම සම්බන්ධයෙන් දඩ මුදල් පැනවිය හැකි බවද එම දෙපාර්තමේන්තුව අවධාරණය කරයි.
චෙක්පත්, බැංකු අණකර හෝ ගෙවීම් ඇණවුම් මගින් සිදුකරන ගෙවීම් නියමිත දිනෙන් පසුව ලැබීමද ප්රමාද වූ ගෙවීමක් ලෙස සලකන බව සඳහන් වේ.
මේ අතර, ජූලි මාසයට අදාළ වැට් වාර්තා අගෝස්තු 31 වැනිදා හෝ ඊට පෙර මාර්ගගත ක්රමය ඔස්සේ ඉදිරිපත් කළ යුතු බව දේශීය ආදායම් දෙපාර්තමේන්තුව පවසයි.
එමෙන්ම රඳවාගත් බදු අගෝස්තු 15 වැනිදා හෝ ඊට පෙර ගෙවීමට කටයුතු කරන ලෙසද බදු ගෙවන්නන්ගෙන් ඉල්ලා සිටියි.
තවද, ජූලි මාසයට අදාළ සමාජ ආරක්ෂණ දායකත්ව බද්ද අගෝස්තු 20 වැනිදා හෝ ඊට පෙර ගෙවිය යුතු බවද එම දෙපාර්තමේන්තුව වැඩිදුරටත් සිහිපත් කරයි.
